Քաղաքական ձեռնարկ Սալոնիկ քաղաքի Արիստոտելի պետական համալսարանի դահլիճում

17 ապրիլի, 2022

Ապրիլի 17-ին Կենտրոնական Մակեդոնիայի նահանգապետարանը համագործակցությամբ ՀՅԴ Սալոնիկի Հայ Դատի հանձնախմբի հետ կազմակերպեցին քաղաքական ձեռնարկ Սալոնիկ քաղաքի Արիստոտելիսի պետական համալսարանի դահլիճում: Ելույթներով հանդես եկան Մակեդոնիայի և Թրակիայի տարածաշրջանում Հունաստանի վարչապետի ներկայացուցիչ, ներքին գործերի փոխնախարար Ստավրոս Կալաֆատիսը, Սալոնիկի քաղաքապետ Կոնստանդինոս Զերվասը, Կենտրոնական Մակեդոնիայի նահանգապետ Ապոստոլոս Ձիձիկոստան, փոխնահանգապետ Պարասկեվի Պատուլիդուն, ՀՅԴ Սալոնիկի հայ Երիտասարդական միության ներկայացուցիչ Արիս Կասաբյանը: Միջոցառմանը մասնակցեց Հունաստանում ՀՀ հյուպատոս Տիգրան Վարդանյանը, ով իր հերթին ընթերցեց Հունաստանում ՀՀ դեսպան Տիգրան Մկրտչյանի ուղերձը Հայոց Ցեղասպանության 107-րդ տարելիցի կապակցությամբ: Միջոցառման գլխավոր բանախոսն էր Նոր Ժողովրդավարություն կուսակցության պատգամավոր, Պանդիո Համալսարանի միջազգային հարաբերությունների ֆակուլտետի դասախոս Դիմիտրիս Կերիդիսը: Միջոցառմանը ներկա էին նաև Սալոնիկում հավատարմագրված գլխավոր հյուպատոսությունների ներկայացուցիչները:

Միջոցառմանը հետևեց քայլարշավ Սալոնիկի կենտրոնական պողոտայով դեպի Անհայտ զինվորի հուշարձանը: Պատվո պահակախմբի ներկայությամբ ՀՀ դեսպանության, հունական կառավարության, խորհրդարանի, քաղաքապետարանի, նահանգային իշխանությունների, հունական 3-րդ բանակի հրամանատարության, հայ համայնքային կազմակերպությունների կողմից ծաղկեպսակներ զետեղվեցին Անհայտ զինվորի հուշարձանին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր